Ish-presidenti Ilir Meta në një deklaratë për mediat deklaroi se opozita nis rrugën për ditën e triumfit.
Meta thekson se Partia e Lirisë do të kthejë lirinë e shqiptarëve.
Meta: Ju falenderoj të gjithë ata që nuk e kanë pasur të lehtë që për shkak të nostalgjisë, janë të ndërgjegjshëm se kjo betejë e madhe është e domosdoshme për të vendosur përfundimisht demokracinë dhe lirinë e të gjithë shqiptarëve.
Dua të falenderoj të gjithë intelektualët që u bashkuan që në natën e parë, edhe ata pa eksperienca partiake, janë të mirëpritur të gjithë ata që mendojnë se nuk mund të qëndrojnë indiferentë dhe ti bashkohen këtij momenti historik.
Mendoj se duhet nisur menjeherë nga puna se për fat të mirë nuk e kemi më atë kostumin e presidentit, tani jemi pa xhaketë sot e deri ditën e triumfit jo të PL por të gjithë popullit të shqiponjave.
Armiku kryesor sot është korrupsioni, që e ka rënduar situatën e çdo qytetari e familje shqiptari duke e shpërbërë. Unë dje dhashë disa statistika ku për çdo gjë Shqipëria ishte e fundit.
