Presidenti Ilir Meta ka dekoruar ish-kreun e KQZ Kristaq Kume me dekoratën e lartë “Nderi i Kombit”.
“Në vlerësim të kontributit të vyer dhënë për demokracinë në jetën publike, si një intelektual i guximshëm me integritet dhe vlera të spikatura në procesin e demokratizimit të vendit.
Me mirënjohje për aktivitetin dhe punën e rëndësishme të bërë për evidentimin, ruajtjen dhe promovimin kombëtar e ndërkombëtar të trashëgimisë, dhe pasurisë agro-biologjike të vendit tonë”, thuhet në dekoratën për z. Kristaq Kume.
Meta sot më datë 24 korrik la zyrtarisht postin e presidentit të Republikës, duke u pasuar nga Bajram Begaj, zgjedhur nga votat kryesisht të maxhorancës.
