Fotoja më lart është shkrepur sapo atentatorët qëlluan me armë zjarri ndaj 3 personave në Fushë Krujë.
Hetuesit ende nuk e kanë përcaktuar nëse zjarri i vendosur në makinë ka ardhur si pasojë e plumbave apo nëse autorët kanë përdorur lëndë djegëse apo plasëse.
Kjo pasi siç shihet në pjesën e përparmë të makinës, kryesisht në pjesën e kofonos ka të paktën 10 gjurmë plumbash, por ajo nuk është e përfshirë nga flakët të cilat vijnë vetëm nga pjesa e brendshme.
Për ta përcaktuar këtë ekspertet ditën e ngjarjes kanë siguruar disa prova edhe për zjarrin brenda makinës. Në këtë atentat mbetën të vrarë Diklen Vata, Besmir Hoxha dhe Brilant Martinaj.
Hoxha dhe Martinaj u shkrumbuan në makinë pasi ajo u përfshi nga flakët ndërsa Vata arriti të dilte i gjallë nga makina, por autorët sapo kanë parë janë kthyer dhe e kanë qëlluar duke e lënë të vdekur në vend.
