Ivi Kaso, Sekretar për Çështjet Ligjore dhe Zgjedhore në Partinë Demokratike gjatë një komunikimi për mediat lidhur me reformën territoriale u shpreh se reforma territoriale dhe ajo zgjedhore po ecin me ritme të ndryshme.
Sipas tij, në reformën e kaluar territoriale u mbajt në fokus dhe u mbivlerësuan efektet elektorale që qartazi e pati maxhoranca zgjedhjet e fundit.
Kaso u shpreh se rajonet që janë artikuluar nga maxhoranca dhe janë prioritet i tyre nuk mund të shndërrohen në Kalin e Trojës për të prekur Kushtetutën, për t’i japë maxhorancës pushtet pa votë.
“Për shkak të situatës në një farë mase paradoksale të krijuar kur janë ngritur dy komisione të posaçme që kanë në fokus dhe në grup të punës së tyre dy reforma të rëndësishme të cilat janë të lidhura në mënyrë organike dhe të pazgjidhshme ndërmjet tyre por për fat të keq janë duke ecur në mënyrë të ndryshme. Nga njëra anë kemi Kominionin e Reformës Territoriale i cili ka një plan pune të miratuar nga ana tjetër ke i Komisionin e Reformës Zgjedhore e cila është në stanjacion dhe kjo jo pa qëllim. Në reformën e kaluar territoriale u mbajt në fokus dhe u mbivlerësuan efektet elektorale që qartazi e pati maxhoranca zgjedhjet e fundit. Nuk do të ndodh kështu dhe po monitorojmë situatën që një produkt për Reformën Territoriale të mos shërbejë si preteks për të bërë pazar te Komisioni i Reformës Zgjedhore. Nuk duam që rajonet që janë artikuluar nga maxhoranca dhe janë prioritet i tyre të shndërrohen në Kalin e Trojës për të prekur Kushtetutën, për t’i japë maxhorancës pushtet pa votë. Do të ishte gjëja më e dëmshme një demokraci, sidomos në kushte e një demokracie të brishtë si kjo e jona. “Dhënia në tavolinë e pushtetit pa votë do të ishte atentati i fundit që do ti bëhej në këtë vend demokracisë së brishtë”,u shpreh Kaso.
