Sot në mesditë është aktivizuar sërish zjarri që ka rënë në Kepin e Rodonit. Ky zjarr ishte shuar dy ditë më parë.
Mësohet se flakët deri tani kanë shkrumbuar disa hektarë me pyje.
Dy vatra zjarri u shfaqën dy ditë më parë në Durrës, në zonën e Kepit të Rodonit dhe në Ishëm.
Vatrat aktive u identifikuan pak pas mesditës të së dielës.
Në kodrat e kepit të Rodonit zjarri ka djegur një sipërfaqe tokë e veshur me bimësi të ulët dhe shkurre, ndërsa në fshatin Shetaj bimësi dhe pemë frutore.
Për shkak të pozicionit gjeografik dhe ndarjes së parcelave me rrjeta teli, ndërhyrja ka qenë e vështirë. Reparti zjarrfikësve tha se situata është nën kontroll dhe nuk ka rrezik përhapje. Ndërsa në ndihmë krahas zjarrfikësve të Manzës shkuan dhe ata të Durrësit dhe Shijakut.
