Vijon të jetë aktive prej 2 ditësh vatra e zjarrit në Orosh të Mirditës. Rreth 50 forca të armatosura dhe 1 zjarrfikëse po punojnë për shuarjen e zjarrit. Për shuarjn e zjarrit po punojnë dhe forca policore, bashkiake, vullnetare si dhe shërbimi pyjor.
Raportohet se vatra e zjarrit është me intensitet te ulët në djegie sipërfaqësore në pyll të dendur me lis dhe dushqe. Po ndërhyhet me mjete rrethanore të ndara ne dy grupe pune.
Ndërkohë nuk raportohet të ketë lëndime si pasojë e flakëve.
Vatrat e zjarrit të nisura mbrëmjen e kaluar në Lezhë janë shuar të gjitha. Sjellim në vëmendje se tre vatra të mëdha zjarri përfshinë pasditen e së hënës zonat në afërsi të Lezhës. Një vatër zjarri u shfaq në vendin e quajtur Markatomaj, teksa flakët përfshinë të dy anët e autostradës Lezhë-Milot. Situata ishte e vështirë, ndaj dhe policia devijoi rrugën për automjetet.
Një tjetër zjarr ra në fshatin Piraj, teksa flakët dogjën edhe traversat e drurit të hekurudhës në një gjatësi prej 500 metra. Një tjetër vatër zjarri ra në lagjen “Nënë Tereza”, në afërsi të qytetit të Lezhës, teksa flakët përfshinë një sipërfaqe të mëdha me pisha dhe shkurre.
