Anëtari i Kryesisë së PD, Enno Bozdo, komentoi në emisionin ‘Task Force’ në Syri Tv propozimin e qeverisë për amnistinë fiskale dhe çështjen e negociatave.
Bozdo deklaroi se qeveria me amnistinë fiskale ka në thelb hapjen e një rruge ligjore për paratë e krimit të organizuar që po investohen në Shqipëri.
Më tej Bozdo deklaroi se efekti i kësaj amnistie do të jetë 9 muaj, distancë kohore që përkon me zgjedhjet e ardhshme lokale në vend.
“S’ka asnjë arsye tjetër përveç kësaj. Një kryeministër që tallet me vendet e BE-së, një kryeministër që i flet Dhomës Amerikane për fletërrufe, gjuha e bullizmit e shoqëron atë.
Rama është shumë i vendosur t’i shkojë deri në fund kësaj iniciative që ka kosto shumë të madhe, kosto kur BE dhe Europa, Uashingtoni thotë mos e bëj.
Vetëm kjo s’duhet bërë. S’ka asnjë arsye tjetër, nuk janë para emigrantësh, këta të fundit nuk i sjellin dot zyrtarisht paratë.”-tha Bozdo.
