Tre të rinjtë që humbën jetën sot në atentat në Fushë Krujë, rezultojnë se janë me precedentë penal në fushën e krimeve ndaj personit.
Brilant Martinaj, 23 vjec, banues në Fushë Kuqe ishte me precedent kriminal. Ai dyshohet për “vrasje e kryer në bashkëpunim”, dhe “armëmbajtje pa leje.”
Diklen Vata, 30 vjeç njihej si person me precedent penal, kishte lidhje të afërt shoqërore me Brilant Martinaj dhe pjesëtar i grupit kriminal të Ervis Martinajt.
Besmir Hoxha, 34 vjeç, nga Fushë-Kuqe kishte lidhje të afërta shoqërore me Brilant Martinaj.
Ky i fundit dyshohet si autor i ekzekutimi të efektivit të FNSH-së Xhuliano Prela në dhjetor 2020 dhe ish-policit Xhelal Reçi më 1 nëntor 2021.
Asnjë nga krimet nuk është provuar. Ndërsa Diklen Vata është kapur në shtator të 2017-ës me kokainë në Tiranë.
Dyshohet se ishin 4 autorë të cilët kanë vëzhguar makinën e viktimave, tip “Volsvagen Passat” që nga Rinasi deri në mbikalimin e Fushë-Krujës ku i kanë zënë pritë.
Autorët janë larguar në drejtim të paditur ndërsa makina që dyshohet se është përdorur për të kryer krimin, u gjet e djegur pak kilometra larg vendit të ngjarjes, në fshatin Larushk.
Brenda makinë u gjetën 3 armë, ndërsa në vendin e ngjarjes u gjetën rreth 80 gëzhoja.
FNSH vijon krehjen e zonës për të bërë të mundur kapjen e autorëve.
