Autoritetet po shqyrtojnë mundësinë e evakuimit të fshatit Antifilippoi të Kavallës, i cili ndodhet pranë vendit ku u rrëzua avioni Antonov me 12 tonë municione.
Kryebashkiaku i Pangaiou, Filippos Anastasiadis, ka deklaruar se për shkak të municioneve të shpërndara në vend, vendbanimi Antifilippi mund të evakuohet nga frika e shpërthimeve .
Këshilli bashkiak pritet të marrë një vendim përkatës dhe më pas do të procedojë me veprimet e duhura.
Sipas gjeneral-majorit të Brigadës së Zjarrfikësve Marios Apostolidis, kreu i ekipit operacional, anëtarët e shërbimit zjarrfikës me pajisje speciale dhe instrumente matëse iu afruan pikës së goditjes së avionit dhe panë nga afër pjesët e avionit të shpërndara në fusha”.
Apostolidis nënvizoi se nga hetimi në vendngjarje “në terren u konstatua paqëndrueshmëri pasi ka tymnajë dhe vapë intensive si dhe një substancë të bardhë me origjinë të panjohur, por instrumentet matëse nuk kanë treguar asgjë alarmante. Faza tjetër është fluturimi i një droni për të vëzhguar të gjithë zonën ku ra avioni. Pasi të konstatohet se ka stabilitet në terren dhe nuk ka rrezik për sigurinë e njerëzve që ndihmojnë në operacion, i gjithë procesi do të fillojë.
Avioni tip Antonov , u rrëzua të shtunën në mbrëmje në zonën mes Antifilippou dhe Paleochori, në Eleftheroupolis Kavala. Ai kishte një ekuipazh prej 8 personash dhe mbante 12 tonë municione.
Banorët janë këshilluar që të mos i afrohen zonës, të mbajnë dyer dhe dritare të mbyllura dhe të mos përdorin kondicionerët, derisa të bëhet një vlerësim i sigurt i ndotjes së mundshme të ajrit nga materialet e avionit.
