Një pikë këmbimi valutor është grabitur gjatë natës në Tiranë. Persona ende të paidentifikuar nga policia kanë thyer pikën e këmbimit valutor dhe kanë marrë shuma të konsiderueshme parash.
Policia bën të ditur se në rrugën “Lord Bajron”, ka rënë 3 herë alarmi për vjedhje dhe punonjësit e policisë private e kanë neglizhuar duke mos shkuar për të bërë verifikimin.
Për këtë arsye kanë nisur hetimet ndaj policëve privatë me inicialet A. P., 45 vjeç, V. M., 34 vjeç dhe L. P., 32 vjeç, banues në Tiranë. Gjatë natës ka rënë 3 herë alarmi, i një exchange në rrugën “Lord Bajron” në pronësi të shtetasit L. B., i cili në mëngjes është konstatuar nga pronari i vjedhur.
Grabitësit kanë marrë 1.200.000 lekë, 3000 dollar amerikan dhe 1000 dollar kanadez. Punonjësit e policisë private kanë neglizhuar në kryerjen e detyrës së tyre, duke mos marrë masat e duhura për vlerësimin e situatës.
Punohet për identifikimin dhe kapjen e autorëve të vjedhjes së Exchange.