Një 39-vjeçar shqiptar me iniciale S.Q. ra në prangat e policisë italiane në Breshia, me akuzat e shfrytëzimit të prostitucioni, përndjekje dhe regjistrime fiktive të të mirave.
Shqiptari, i cili rezulton me precedentë të mëparshëm penalë, shfrytëzonte për prostitucion në zonën e Rrugës “Milano”, disa vajza nga Europa Lindore.
Mediat italiane shkruajnë se ai merrte nga ato gjysmën e fitimeve, rreth 500 euro në ditë.
Shqiptari u arrestua pas denoncimit të një vajze moldave, e cila pasi është rrëmbyer dhe dhunuar nga një klient me origjinë nga Afrika Veriore.
E vendosur për të ndryshuar mënyrën e jetesës, moldavja rrëfen se braktisi prostitucionin, gjeti një punë si bariste dhe nisi një lidhje të qëndrueshme dashurie.
Por, sipas saj, tutori shqiptar nuk e pranoi “dorëheqjen” e ssaj.
Shqiptari akuzohet se e dhunoi moldaven dhe nisi ta përndiqte për ta shfrytëzuar sërish si prostitutë.
Vajza, gjatë denoncimit të saj, ka treguar se, një pjesë të të ardhurave që fitonte, shqiptari i kishte përdorur për blerë një makinë luksoze, e cila ishte vendosur në emër të saj, për të evituar një sekuestrim të mundshëm.
