Në Komisionin e Ligjeve u mbajt sot seanca dëgjimore mbi hartën e re gjyqësore me kryetaren e KLGJ-së, Ministrinë e Drejtësisë dhe Dhomën Kombëtare të Avokatisë.
Maks Haxhia, kreu i Dhomës Kombëtare të Avokatisë, ka thënë se me hartën e re drejtësia nuk është efiçente dhe se e largon qytetarin nga shërbimet.
“Në këtë tavolinë dua tju bëj me dije qëndimin e dhomës së avokatisë. Ne jemi për reformën në drejtësi. Ne nuk i përkasim asnjë partie politike.
Harta nuk është reformë në drejtësi. Harta është krijimi i nje infrastrukture, me shumë analiza për ti ardhur në ndihmë drejtësisë, të kemi një drejtësi të shpejte, kualitative. Neve përfaqësojmë publikun, mendja intelektuale e publikut.
Me këtë hartë drejtësia nuk është efiçente. Kemi paraqitur argumentet tona. Kjo hartë nuk i shërben qytetarin, e largon qytetarin nga shërbimet. Ne propozuam të mos kalojmë nga 6 apele në 1. Të ketë 3 ose 4 apele. Edhe apeli i Tiranës të ndahej në civil dhe penal. Kundërshtuam suprinimin e gjykatave të shkallave të para administrative. Pranuam vetëm për Sarandën, që të ketë një gjykatë të shkallës së parë. Nuk e besuam që ju e kishit seriozisht. Ju nuk e keni me seriozitet hartën”, tha Haxhia.
