Pas kërkesës së Prokurorisë së Përgjithshme, deputeti i PS, Artan Gaci, ai i PDIU, Omer Mamo, dhe Mhill Fufi i përjashtuar nga PD, u paraqiten sot pranë Institutit të Policisë Shkencore për të lënë shenjat e gishtërinjve dhe profilet e tyre fotografike.
Në një prononcim për mediat Fufi u shpreh se e votoi dhe po e zbaton ligjin e dekriminalizimit.
“Po. Vajta dhe i dhashë shenjat e gishtërinjve të martën në orën 19:00. Jam mes deputetëve që e kanë votuar ligjin e Dekriminalizimit dhe po e zbatoj atë. Dua të garantoj se nuk kam asnjë rekord kriminal as në Shqipëri, e as në ndonjë vend të huaj. Jam i hapur për hetime”, tha Fufi.
Gaci deklaroi:
“Iu përgjigja i pari dhe brenda një ore kërkesës së Prokurorisë. Pres përgjigje urgjente. Hajdutët dhe kriminelët nuk më njollosin dot”, tha Gace, duke shtuar se “pasi të flasë Prokuroria do të shprehem unë”.
Kruse Omer Mamo nuk pranoi të jepte shpjegime.
Sakaq deputeti Aqif Rakipi tha se do ta respektojë organin e akuzës.
“Shenjat e gishtërinjve i kanë. Megjithatë, unë do të paraqitem sipas kërkesës së Prokurorisë. Për gjithçka tjetër mund të them që është shoë mediatik”, tha Rakipi.
Kërkesa e prokurorisë për regjistrimin e shenjave të gishtave për pesë deputetë, erdhi në kuadër të hetimeve që po kryen ndaj disa deputetëve të Kuvendit sipas ligjit për dekriminalizimin, pasi dyshohet se kanë fshehur rekordet kriminale brenda dhe jashtë vendit.
