Flakët kanë shpërthyer pasditen e sotme në ish-fabrikën e qelqit në qytetin e Kavajës. Mësohet se zjarri u përhap me shpejtësi dhe doli jashtë kontrollit, teksa një qytetar ishte duke djegur mbeturinat aty pranë.
Në vendngjarje kanë shkuar me shpejtësi dy zjarrfikëse të qytetit të Kavajës për të vënë nën kontroll flakët por duket se deri më tani ka qenë mision i pamundur pasi rrezikohen seriozisht edhe disa shtëpi aty afër.
Raportohet se në ndihmë të forcave zjarrfikëse janë duke shkuar edhe dy zjarrfikëset e qytetit të Rrogozhinës.
