Një hartë e shpërndarë në rrjetet sociale është bërë mollë sherri për debatin e radhës mes Turqisë dhe Greqisë.
Është kryeministri grek ai që këtë herë kërkon shpjegime nga Ankaraja, për një hartë që tregon disa ishuj të mëdhenj grekë të banuar në detin Egje që pretendohet se i përkasin Turqisë.
“Shikoni mirë këtë hartë. Kreta, Rodosi, Lesvosi, Kiosi, Samosi të gjitha të marra nga Turqia”. Mitsotakis shkroi në Tëitter të hënën.
Harta thuhet se i është dhënë Devlet Bahçelit, kreut të një partie nacionaliste aleate me presidentin turk Rexhep Tajip Erdogan, nga grupi i ri ultra-nacionalist Ujqërit gri.
Kreu i organizatës kishte postuar një foto të hartës të dielën në Tuitter, duke pretenduar se “flamuri i lavdishëm turk” ishte “uzurpuar nga Greqia”.
Marrëdhëniet midis Greqisë dhe Turqisë kanë qenë të tensionuara për dekada për një sërë çështjesh, duke përfshirë të drejtat e eksplorimit nënujor dhe sovranitetin e ishujve të pabanuar.
Përplasja e fundit është fokusuar në ishujt grekë pranë brigjeve të Turqisë, ku Ankaraja akuzon Athinën për mbajtjen e një pranie ushtarake në shkelje të traktateve.
Greqia ka argumentuar se po vepron sipas ligjit ndërkombëtar dhe po mbron ishujt e saj përballë armiqësisë turke.
