Mbështetja që po i vjen Kosovës nga administrata e re e Shteteve të Bashkuara të Amerikës nuk po përjetohet mirë në Serbi. Në këtë formë është interpretuar edhe takimi dhe fotografia e kryeparlamentarit Veseli me presidentin, Donald Trump, të cilën kreu i PDK-së e ka publikuar sot.
“Express” shkruan se në titullin e lajmit të gazetës serbe “Blic” thuhet “Fotografia e Veselit me Trump-in është shuplakë për Serbinë”.
Gjithashtu në të gjitha mediat serbe është raportuar edhe për deklaratat e ambasadores amerikane në OKB, Niki Hailey, e cila kishte thënë se Kosova e meriton të jetë anëtare e Kombeve të Bashkuara.
“Ne duhet ta njohim progresin që Kosova e ka arritur”, ka thënë Haley.
Trump ishte ftuar nga Presidenti i Serbisë, Tomislav Nikolic, që ta vizitojë Serbinë.
