Në Aerportin e Friedrichshafenit në Gjermani, ka pasur trazira ditën e sotme gjatë procesit të imbarkimit të pasagjerëve të shoqërisë së fluturimit, Wizzair.
Në aeroport madje u desh ndërhyrja e policisë gjermane për të qetësuar pasagjerët e zemëruar.
Për shkak të transferimeve të brendshme të prenotimit me Wizzair, 39 pasagjerë nuk mund të udhëtonin dot drejt Tiranës, për shkak se avioni ishte i tejmbushur.
Kjo shkaktoi zemërim, britma dhe shumë pasagjerë refuzuan të largoheshin nga salla e pritjes.
Sipas të dhënave të fundit të policisë për këtë avion kishte 209 prenotime, ndërkohë që në dispozicion ishin 186 vende.
Oficerët e policisë dhe doganës u desh të qetësonin masën e pasagjerëve të zemëruar.
Raportohet se nuk kishte asnjë avion rezervë për pasagjerët e mbetur, kështu ata janë detyruar të lënë aeroportin dhe të prenotojnë një tjetër fluturim.
