Nga Erion Dasho
Kur një parti e bën baltë, ajo ndëshkohet politikisht me votë dhe del në opozitë. Qëndrimi në opozitë nënkupton edhe “pastrimin” e saj. Pasi ka qëndruar 4 apo 8 vjet në opozitë, nuk mund t’i kujtosh gabimet që ka bërë në kohën kur ishte në pushtet.
Do të ishte zgjidhje e mirë ndërrimi i elitave, por këto 31 vjet kanë treguar se ndërrimi i elitave në Shqipëri është mision i pamundur.
Atëherë, para shqiptarëve shtrohet zgjidhja: Do të pranojnë Ramën të mbyllë i qetë mandatin e tretë dhe të fitojë të katërtin, të pestin, e kështu me radhë?! Apo do ta përmbysin këtë qeveri bandite, kusare dhe antishqiptare për t’i lënë vendin një qeverie tjetër?!
Ata që votojnë për mandatin e pafundmë të Ramës, kanë votuar për:
Fshatrat pa njerëz
Qytetet pa të rinj
Spitalet pa mjekë
Kompanitë pa punonjës
Restorantet pa kamerierë
Etj., etj.
Kaq i thjeshtë është vendimi! Kush nuk e kupton, aq më keq për atë…
