Të shtëna me armë është shënuar në Belsh në vazhdën e një konflikti pronësie, konfirmoi këtë të Martë policia.
Sipas bluve, në fshatin Çepe, D.H., 37 vjeç, banues në Belsh, gjatë një konflikti për motive pronësie me K.C., 29 vjeç, banues në fshatin Çepe, dyshohet se ka qëlluar 1 herë me armë zjarri pistoletë në ajër dhe më pas është larguar.
Me marrjen e njoftimit shërbimet e Policisë menjëherë kanë shkuar në vendngjarje dhe janë vënë në ndjekje të autorit.
Grupi hetimor po punon për dokumentimin e plotë të rrethanave të ngjarjes dhe kapjen e autorit.
Të shtëna me armë u shënuan dhe dje në Radhimë të Vlorës po për një konflikt pronësie mes dy vëllezërve.
