Të shtëna me armë kanë ndodhur në një plazh privat në afërsi të Radhimës
“Sot, rreth orës 12:30, në Radhimë, në afërsi të plazhit, në rrethana ende të paqarta, dyshohet se një shtetas ende i paidentifikuar, ka qëlluar me armë zjarri”, njoftoi policia.
Po kryhen verifikime nga shërbimet e Policisë, nese ka persona të dëmtuar, shtuan të njëjtat burime.
Janë ngritur pika kontrolli dhe vijon krehja e zonës për kapjen e autorit, mbyllet njoftimi i bluve.
Një turist norvegjez, dëshmitar në të shtënat me armë në Radhimë, thotë se në momentin që janë dëgjuar të shtënat të gjithë ikën me vrap.
“Dëgjuam të shtënat dhe të gjithë ia futën vrapit. Mbase ishin 2-3 të shtëna. Nuk pamë nëse është lënduar ndonjëri. Kisha frikë por tani kaloi”, tha ai për mediat.
