Gruaja 35-vjeçare, e cila u hodh bashkë me foshnjën nga kati i dytë i maternitetit në Sarandë është jashtë rrezikut për jetën.
Kështu deklaron spitali i Sarandës, teksa thekson se foshnja është në gjendje të mirë shëndetësore. Si nëna dhe fëmija janë nën kujdesin intensiv të mjekëve.
“Lidhur me ngjarjen e rende te nenes se re dhe foshnjes ne Maternitetin e Sarandes, ju informojme se, nenes dhe foshnjes i eshte dhene menjehere ndihma e pare shendetesore nga ekipi mjekësor i spitalit. Pas vleresimit klinik, gjendja shendetesore e foshnjes paraqitet mire dhe pa probleme. Pas ekzaminimeve mjekesore te kryera rezulton se nena ka disa fraktura, por eshte jashte rrezikut per jeten. Nena dhe foshnja jane duke marre trajtimin e nevojshem mjekesor ne Spitalin e Sarandes nen kujdesin intensiv te mjekeve”, thuhet në reagimin e spitalit.
