Çmimi për borxhin 10-vjeçar francez arriti në një rekord të ri të pas krizës, në krahasim me bund-et referencë gjermane, duke reflektuar frikën e investitorëve rreth zgjedhjeve të ardhshme presidenciale në Francë, shkruan “Financial Times”.
Sipas artikullit diferenca mes interesave arriti në 0.81 pikë përqindjeje, për herë të parë që nga gushti 2012, teksa yield-i i bonove 10 vjeçare— që reflekton koston e huamarrjes së qeverisë — kërceu me 7 pikë bazë sot në 1.1 për qind. U vu re një rritje e presionit për të shitur, pasi disa sondazhe të fundit treguan se Marine Le Pen është një fituese e qartë në raundin e parë të zgjedhjeve, që do të mbahet në fund të muajit prill.
Sakaq Le Pen, që ka premtuar që të mbajë një referendum për anëtarësimin e Francës në eurozonë, ka sipas sondazheve 27 për qind në raundin e parë të votimeve, ndërsa dy rivalët kryesorë, François Fillon dhe Emmanuel Macron janë në rreth 20 për qind, sipas sondazhit të fundit nga OpinionLab.
Perspektiva e presidencës së Le Pen ka ndikuar në tregun e bonove, me tregjet që po ndjekin me vëmendje rënien e rivalit të saj të madh, z. Fillon.
Sondazhet e fundit tregojnë se znj. Le Pen mund të jetë humbëse, në një raund të dytë midis z. Fillon ose z. Macron me një marzh prej 56 për qind dhe 58 për qind, përkatësisht.
