GJKKO ka refuzuar kërkesën e ish-kryebashkiakut të Himarës, Jorgo Goro, për të shtyrë ekzekutimin e dënimit të mbetur prej 6 muajsh e 10 ditësh burg deri në një vendim nga Gjykata e Lartë.
Vendimi u mor nga gjyqtarja Etleva Deda, pasi u dëgjuan argumentet e mbrojtjes dhe të prokurorisë, duke lënë në fuqi vijimin e vuajtjes së dënimit.
Jorgo Goro ka paraqitur rekurs në Gjykatën e Lartë kundër vendimit të Apelit të Posaçëm, i cili konfirmoi dënimin me 2 vite burg (i reduktuar në 1 vit e 4 muaj për shkak të gjykimit të shkurtuar). Pas përllogaritjes së kohës së vuajtur në paraburgim, SPAK urdhëroi rikthimin e tij në burg për të përfunduar pjesën e mbetur të dënimit.
Goro ishte arrestuar më 23 mars 2024 dhe ishte liruar më 29 gusht të po atij viti për një çështje tjetër që lidhej me shpërdorim detyre dhe fshehje pasurie.
