Gjykata e Apelit me Juridiksion të Përgjithshëm në Tiranë ka ndryshuar vendimin për Azgan Mërnicën, duke e dënuar me 35 vite burg për vrasjen e efektivit të policisë Novruz Cenalia.
Me këtë vendim, Apeli e ka shpëtuar Mërnicën nga burgimi i përjetshëm, dënim që ishte dhënë më herët nga Gjykata e Fierit.
Ngjarja e rëndë u regjistruar më 13 maj 2024, rreth orës 13:30, në fshatin Baltëz të Fier. Sipas dosjes hetimore, gjithçka nisi pas ndalimit të autorit nga efektivi i policisë për shkak të drejtimit të rrezikshëm të automjetit.
Pas një debati verbal, sipas Prokurorisë, Mërnica ka nxjerrë armën e zjarrit dhe ka qëlluar për vdekje efektivin Cenalia. Pas ngjarjes, ai u arrestua nga forcat e rendit pas një operacioni që zgjati rreth 48 orë.
