Gjykata Kushtetuese ka rrëzuar kërkesën e ish-zv.ministrit të Shëndetësisë, Klodian Rrjepaj, për shfuqizimin e masës së arrestit në burg.
Vendimi u dha më 31 mars, duke lënë në fuqi masën e sigurisë ndaj tij.
Rrjepaj, ashtu si ish-ministri Ilir Beqaj, i ishte drejtuar Kushtetueses për të kundërshtuar masën e arrestit, por kërkesa e tij nuk u pranua.
Ai është dënuar nga Gjykata e Shkallës së Parë me gjashtë vite burg për dosjen e sterilizimit, dënim që në aplikim të gjykimit nga GJKKO u ul në katër vite burgim.
Në total, tetë të akuzuarit nga SPAK për aferën e sterilizimit janë dënuar me 28 vite burgim, ndërkohë që Ilir Beqaj po gjykohet veçmas.
Klodian Rrjepaj akuzohet për shpërdorim detyre dhe shkelje të procedurave të prokurimit publik në lidhje me koncesionin e sterilizimit të pajisjeve kirurgjikale.
Hetimet e SPAK zbuluan se kontrata e koncesionit kishte sjellë kosto të fryra dhe dëm ekonomik për buxhetin e shtetit, duke favorizuar subjektet private të përfshira në këtë proces.
