Një 31-vjeçar turk i shpallur në kërkim ndërkombëtar nga autoritetet austriake për prodhim dhe shitje të lëndëve narkotike është arrestuar në pikën kufitare të Morinës, në hyrje të Shqipërisë.
I ndaluari është identifikuar si V. B., 31 vjeç, banues në Stamboll.
Nga verifikimet e kryera dhe informacioni i shkëmbyer me Interpol Tiranën, rezultoi se ndaj tij Gjykata e Vjenës kishte vendosur masën e sigurisë “Arrest në burg” për veprën penale “Prodhim dhe shitje e narkotikëve”.
Interpol Tirana, në bashkëpunim me homologët austriakë, po vijon procedurat për ekstradimin e 31-vjeçarit drejt Austrisë.
