Presidenti i SHBA, Donald Trump e përshkroi Bordin e Paqes si një projekt të madh dhe të jashtëzakonshëm.
Teksa mbajti fjalën e tij në takimin e parë të Bordit të Paqes, Presidenti Trump tha se Bordi i Paqes është një fjalë e lehtë për t’u thënë por paqja është e vështirë për t’u provuar.
Teksa foli për pjesëmarrjen, Trump tha me ironi se disa po bëjnë naze dhe disa të tjerë nuk dëshiron ti ketë.
“Sukseset që kemi arritur, në fillim më thanë që nuk realizoheshin për 4 vite, u arritën brenda një viti. Arritje financiare të jashtëzakonshme, kemi bërë një punë të mrekullueshme. Bordi i Paqes është një nga gjërat më të arritura. Disa nga luftërat zgjasin prej dhjetëra vitesh dhe ne i kemi dhënë fund brenda dy ditëve.
Gaza është çështje komplekse, Marco Rubio po na ndjek, çfarë pune e mrekullueshme është bërë. Sot është një nder i madh që ju mirëpres në Institutin e Paqes. Është bordi më i fuqishëm, këtu bën pjesë pjesa më e madhe e liderëve botërorë. Disa po bëjnë naze, por shumë drejtues e kanë pranuar menjëherë. Ka disa që nuk duam t’i kemi” – tha Trump.
