Gazetarja Klodiana Lala komentoi arratisjen e Altin Ndocit nga spitali i Durrësit. Ajo tha se ka qenë një operacion i organizuar me bashkëpunëtorë brenda dhe jashtë sistemit të drejtësisë.
E ftuar në “News 24”, Lala theksoi se hetimet duhet të nisin që nga vendimi për ta mbajtur një të paraburgosur me rrezikshmëri të lartë në burg sigurie të zakonshme dhe deri te mënyra si u anashkaluan protokollet.
Sipas saj, Ndoci ka pasur ndihmë nga jashtë për të dalë me një Audi luksoz nga spitali, por dyshohet edhe për informatorë të brendshëm.
“Ka pasur bashkëpunëtorë nga jashtë që e ndihmuan të arratiset me Audi luksoz nga spitali.
Por unë mendoj se ka pasur bashkëpunëtorë dhe informatorë edhe nga brenda burgut dhe sistemit dhe duhet të hetohet”, tha Lala.
