Shtëpia e Bardhë ka hapur një debat të ri ndërkombëtar me një postim në rrjetet sociale, i cili shihet si nxitje ndaj Groenlandës për të orientuar të ardhmen e saj drejt Shteteve të Bashkuara. Postimi vjen pasi presidenti Donald Trump ka rikthyer deklaratat se ishulli me status autonom brenda Mbretërisë së Danimarkës mund të përfundojë një ditë nën kontroll amerikan.
Media ndërkombëtare raportojnë se mesazhi i publikuar nga administrata amerikane nënkupton dilemen që i paraqitet popullsisë prej rreth 57 mijë banorësh. Në postim shfaqet një ilustrim – që dyshohet se është krijuar me inteligjencë artificiale – ku dy slitë qensh ndodhen në një udhëkryq. Njëra shteg të çon drejt Shtëpisë së Bardhë, i paraqitur në rreze dielli, ndërsa tjetri drejt errësirës që simbolizon Rusinë dhe Kinën.
Mesazhi i përmbledhur i postimit është: “Groenlandez, cilën rrugë do të zgjedhësh?”
Kritikët vënë në dukje se Shtëpia e Bardhë shpërfill rezultatet e sondazheve të zhvilluara në Groenlandë. Këto anketime tregojnë se shumica e qytetarëve të ishullit mbështesin pavarësinë e plotë nga Danimarka në të ardhmen, por jo idenë e bërë shteti i 51-të i SHBA-ve.
Për momentin, qeveria daneze dhe autoritetet lokale të Groenlandës nuk kanë dhënë përgjigje zyrtare, ndërsa debati mbi të ardhmen gjeopolitike të ishullit pritet të vijojë.
