Ditën e sotme të gjithë zyrtarët qendror dhe lokal kanë zgjedhur kishat e qytetit të tyre për të uruar besimtarët për Krishtlindjen dhe kanë përcjellë edhe një mesazh për mediat për të gjithë qytetarët.
Për prefekten e Shkodrës, Holta Duda deklarata për gazetarët nuk ka shkuar ashtu siç ajo e priste pasi u bë lëmsh dhe kërkoi që fjala e saj të pritej. Por u zhgënjye kur gazetarët i thanë se është live.
“Sot të gjithë bashkë mblidhem të gëzojmë lindjen e Krishtit, ashtu siç ylli ndriti në zemrat e të gjithë popujve në tokën e shenjtë atë natë kur lindi Krishti bebe ashtu edhe unë sot në emër të gjithë.…ju lutem edhe njëherë më falni…”, tha zyrtarja lokale.
Në krah të prefektes Holda Duda ishte edhe deputetja socialiste e qarkut Shkodër, Marjana Koçeku.
