Policia Kufitare e Portit të Durrësit ka ndaluar një automjet që transportonte pajisje të dyshuara për përgjim.
Sipas raportimeve në media automjeti kishte mbërritur me traget nga Ancona e Italisë dhe në të udhëtonin tre shtetas italianë, të cilët gjatë kontrollit janë prezantuar si punonjës të Guardia di Finanza.
Gjatë verifikimeve, policia ka konstatuar se automjeti mbante pajisje elektronike të sofistikuara, që mund të përdoreshin për përgjime apo ndjekje operative, ndaj janë sekuestruar menjëherë për hetime të mëtejshme.
Ndërkohë pas verifikimeve 2 prej tyre kanë rezultuar zyrtarë të Guardia di Finanzës, ndërkohë personi tjetër nuk është zyrtar (të tre shtetas italianë), të cilët janë kthyer mbrapsht në Itali.
Ende nuk dihet nëse pajisjet janë përdorur për ndonjë aktivitet përgjimi apo nëse ka pasur një operacion të organizuar nga autoritetet italiane në vendin tonë.
