Tensione ka pasur në komisionin parlamentar të Ekonomisë, Punësimit dhe Financat, mes Erion Braçes dhe Agron Shehajt.
Shkak u bë fjala e deputetit Agron Shehaj, i cili akuzoi mazhorancën për vjedhje të fondeve të fermerëve dhe denigrimin e situatës në Bujqësi në pikën më të ulët. Ai vuri në dukje gjatë diskutimeve për TVSH-në në Dogana, pjesë e paqes fiskale, se nëse paratë nuk do vidheshin, ato 50 mln euro që janë zhvatur te Tuneli i Llogarasë, për të cilin është marrë e pandehur zv/kryeministrja dhe ministrja Belinda Balluku, mund të kishin shkuar tek këta fermerë.
Shehaj u ndërpre nga Milva Ikonomi dhe pas kësaj u përplas me Erion Braçen i cili iu drejtua me tone të ashpra.
Shehaj: Nuk e kuptoj pse i bëjmë gjërat e vështira kot. Pse kushton më pak të importosh produktin jashtë? Sepse shtetet e tjera subvencionojnë fermerët. U japin para, nuk e kanë fajin ata.
Këtu paratë vidhen. Nëse 190 mln euro nuk do ishin harxhuar, por do të ishin shpenzuar 150 për tunelin e Llogarasë, 50 mln euro do të kishit mundësi t’ua jepnit fermerëve. Dhe këtu bëhet fjalë për vetëm një tender. Paratë që mund t’u shkojnë fermerëve ju si mazhorancë i vidhni, mos bëni teatër. Diskutime të tilla bëjini në grupin parlamentar të PS.
Zonja kryetare më ndërprerë fjalën, mbani mungesat e thoni kush do flasë më shumë. mos e bëni këtë komision më shumë qesharak seç është.
Braçe: (përplas tavolinën) Nuk mund të vish këtu e të na fyesh ne. Qepe të them.
Pas shkëmbimit të replikave të shkurtra Braçe-Shehaj, mbledhja e Komisionit u ndërpre për pesë minuta.
