Autori i vrasjes së Indrit Ismaillari, Filip Shehu para uniformave blu në dëshminë e tij ka deklaruar se viktima e ngacmonte gjithë kohës.
Por ky pretendim i 41-vjeçarit nuk ka bindur policinë pasi ka marrë dhe dëshmitë e personave të tjerë të stafit të cilët kanë mohuar që midis Shehut dhe Ismaillarit të ketë pasur konflikte.
Madje sipas tyre, 36-vjeçari ishte tip jo problematik dhe kishte 5 vite që punonte në lokal ndërkohë që Filip Shehu kishte ardhur pas tij në punë.
Filip Shehu u arrestua në flagrancë menjëherë pas ngjarjes, ndërsa nga verifikimet ka rezultuar se ai është i dënuar më parë për veprën penale “Prodhimi, mbajtja, blerja apo shitja pa leje e armëve të ftohta”.
