Një aksident me pasojë vdekje ka ndodhur në orët e para të mëngjesit të sotëm në fshatin Bubq të Krujës.
Sipas njoftimit të policisë, rreth orës 06:15, shtetasi A. B., 32 vjeç, dyshohet se ka humbur kontrollin e automjetit që po drejtonte.
Si pasojë, mjeti ka dalë nga rruga dhe është përplasur me një shtyllë elektrike.
Nga goditja e fortë, drejtuesi i automjetit ka humbur jetën në vend.
Njoftimi:
Rreth orës 06:15, në fshatin Bubq, shtetasi A. B., 32 vjeç, dyshohet se ka humbur kontrollin e automjetit që drejtonte dhe automjeti ka dalë nga rruga, duke u përplasur me një shtyllë elektrike.
Për pasojë, 32-vjeçari ka humbur jetën.
Grupi hetimor vijon punën për përcaktimin e shkaqeve të aksidentit.
