Këngëtarja dhe ish-banorja e “Big Brother VIP 4”, Loredana Brati, ka folur sot në emisionin “Shqipëria Live” për marrëdhëniet e saj personale dhe raportet me personazhet që janë komentuar së fundmi në media.
E pyetur për lidhjen me Jozin, me të cilin kishte një romancë gjatë qëndrimit në shtëpinë e BBV4, Loredana u shpreh se ai ka qenë i vetmi burrë me të cilin ka pasur një marrëdhënie këtë vit, duke shtuar se mes tyre ka ende respekt dhe lidhje emocionale.
“Ka disa marrëdhënie që nuk shuhen kollaj dhe besoj që unë dhe Jozi, pavarësisht se jemi munduar të mërzisim njëri-tjetrin, emrat tanë kanë për t’u lidhur gjithmonë. Është burri i vetëm që kam pasur këtë vit. E ka parë gjithë Shqipëria. U gëzova shumë për koncertet e tij dhe i uroj suksese. Kemi pasur pak komunikim,” – tha ajo.
Ndërsa për Don Xhonin, me të cilin është përfolur pas publikimit të disa videove ku shfaqeshin së bashku, Loredana sqaroi se marrëdhënia e tyre është vetëm miqësore dhe ka lindur nga një bashkëpunim muzikor që nuk u realizua dot.
“Ka lindur si një bashkëpunim, më ka kontaktuar vetë. Kemi ruajtur respekt për njëri-tjetrin. Nuk kemi pasur lidhje, vetëm respekt të ndërsjellë. Nuk mund të flas keq për të, është shumë i edukuar dhe kënaqësi që e kam njohur. Bashkëpunimi nuk u realizua dot për fajin tim, por të shohim në vazhdim,” – përfundoi ajo.
