Polica në Korçë ka arrestuar një 53-vjeçar, pasi u kap në flagrancë në aksin rrugor “Kapshticë-Bilisht”, duke transportuar mallra të dyshuara të kontrabanduara nga Greqia.
Në aksin rrugor “Kapshticë-Bilisht”, shërbimet e Policisë kanë ndaluar automjetin me drejtues personin me inicilaet N. J, ku gjatë kontrollit në automjet, ata kanë gjetur pajisje të ndryshme hidrosanitare dhe elektrike.
Vlera e pajisjeve të kontrabanduara ishte me vlerë rreth 2000 euro, ndërsa dyshohet se 53-vjeçari i ka futur në Shqipëri, pa kryer procedurat e zhdoganimit.
Policia ka sekuestruar mallrat e kontrabanduara, ndërsa ka nisur hetimi për një doganier të pikës së Kapshticës.
