Gazetari Berat Buzhala ka qenë i ftuar në emisionin “Opinion” ku ka folur për konfliktin që ka lindur mes ortakëve të aeroportit të Vlorës,, konkretisht Behgjet Pacollit dhe administratori i “2A Group”, Valon Ademi, teksa aeroporti është dhënë me koncesion për 35 vite nga Qeveria.
I pyetur nëse kjo përplasje ka prapavijë politike, Buzhala tha se Behgjet Pacolli mendon se po e godet zëvendëskryeministrja Belinda Balluku, e cila po mban krahun e ortakut tjetër Valon Ademi.
“Behgjeti dyshon që këtu është Belinda kundër tij, kundër Behgjetit. Mendon që Belinda është në krahun e Ademit dhe i ka bërë presion në momente të caktuara Behgjetit, madje dhe kur është lëshuar avioni i parë, nëse e mban mend, thuhet diku në xhirime, Edi Rama i thotë Pacollit se kjo gjë ndodhi për shkak se ishte Valon Ademi se për ty nuk do të ndodhte. Kështu më kanë thënë. Por nëse ti je mik me Edi Ramën, mos thuaj se zëdhënsja e tij po e ndihmon dikë tjetër.” – tha Buzhala.
