Presidentja e Komisionit Evropian, Ursula von der Leyen, do të vizitojë Ballkanin Perëndimor nga 13 deri më 16 tetor, duke përfshirë një ndalesë në Prishtinë më 15 tetor. Ajo do të takohet me presidenten e Kosovës, Vjosa Osmani, dhe kryeministrin në detyrë, Albin Kurti, raporton RTK.
Qëllimi i vizitës është riafirmimi i perspektivës evropiane për rajonin. Burime jozyrtare bëjnë me dije se raporti vjetor i Komisionit Evropian për zgjerimin, që zakonisht publikohet në tetor, është shtyrë për në nëntor për të mos ndikuar negativisht në vizitën e Von der Leyen.
