Gazetari Artan Hoxha ka treguar detaje në lidhje me vrasjen e biznesmenti italian, Edoardo Sarchi. Në emisionin “Now” me Erla Mëhillin, Artan Hoxha u shpreh se në panik e sipër personat të cilët ishin me italianin nga paniku kanë zbritur nga automjeti për t’i shpëtuar plumbave.
Hoxha theksoi se plumbat kanë kapur gomën dhe diskun e makinës dhe një rikoshet e godet biznesmenin italian në një arterie kryesore çka i ka shkaktuar vdekje të menjëhershme nga hemoragjia e madhe.
Gazetari Hoxha la të kuptohej në deklaratën e tij se vrasja e biznesmenit italian, edhe mund të mos jetë për shkak të një konflikti të çastit, por për këtë duhet të kapet autori dhe të ezaurohen të gjitha dëshmitë për të dalë në një konkluzion final.
“Edhe nuk shkon dot shumë shpejt aty. Ngjarja ndodh në 12 të natës. Ka distancë nga Tepelena, dhe imagjinoni çfarë ndihme mund të japë ai spital. Ambulanca mund të jetë aty për inventar, por s’ka pajisje brenda. Spitalet e qyteteve të vogla kanë ngelur të tilla. Urgjenca janë. Distanca e madhe, do 1 orë e 30 minuta për të shkuar në vendngjarje.
Një nga makinat pa karburant. Tjetrës i është çarë goma. S’kanë pasur mundësi për ta çuar. Nga hemoragjia ka gjetur vdekjen. Misteri mbrapa, që s’përputhen dëshmitë, u bë e madhe. Personi që ka bërë atë, Kamber Sulçaj, nuk janë gjetur armë zjarri. Janë me shumicë në atë zonë. S’ka parcelë hashashi që s’ruhet pa kallashnikov. Nëse s’kanë këtë, kanë armë të tjera. Nuk i është gjetur asnjë armë tjetër. Ai kishte armë gjahu, të tjera. Duhet të kapet ai dhe të tregojë personat që ishin nga krahu tjetër. A është ashiqare konflikt momenti apo jo, duhet të ezaurohet. Duhen deklarimet e tij dhe personave të tjerë.
Vrasja e italianit, se para disa ditësh në Kelmend iku një 40-vjeçar që kishte dalë për gjah. Kishte qenë te parcelat e hashashit. Mos të bëhej operacioni te parcela, thanë rrëshkiti ky dhe ra në humnerë dhe e gjetëm aty. Duke qenë se zona është e ekspozuar për kultivim kanabisi, që është në fazë korrjeje ose përpunimi. Momenti problematik që vijnë e vjedhin. Në rastin konkret kjo përjashtohet.”-tha Hoxha.
Më tej, Artan Hoxha se Kamber Sulçe, autori i dyshuar i vrasjes së biznesmenit italian, ndodhet brenda territorit të vendit dhe policia është duke negociuar me qëllim që të vetëdorëzohet.
Gazetari theksoi se në kushtet e vetëdorëzimit, autori mund të përfitojë edhe lehtësirat që parashikon ligji pas nuk bëhet fjalë për një ngjarje kriminale të mirorganizuar.
