Një shpërthim i fuqishëm me lëndë eksplozivi është regjistruar mbrëmjen e kësaj të hëne në parkingun e një restoranti në Fushë-Krujë, ku është hedhur në erë makina e kryetarit të Njësisë Administrative Fushë-Krujë, Ilir Loci.
Mësohet se makina tip “Range Rover” me targë KR 8778A ishte e parkuar. Sipas informacioneve paraprake, eksplozivi dyshohet të jetë hedhur nga një rrugicë pranë restorantit, duke shkaktuar dëme të mëdha në pjesën e përparme të makinës.
Shpërthimi ka qenë aq i fuqishëm sa është dëgjuar në gjithë zonën përreth, por fatmirësisht nuk raportohet për persona të lënduar.
Mësohet se përveç Range Rover-it, një fuoristradë tjetër e parkuar pranë ka pësuar dëmtime materiale.
Policia ndodhet aktualisht në vendin e ngjarjes.
