Tang Renjian, ish-ministri i Bujqësisë dhe Çështjeve Rurale i Kinës, është dënuar me vdekje me kusht nga një gjykatë në provincën Jilin, për ryshfete me vlerë mbi 268 milionë juanë (rreth 37.6 milionë dollarë), gjatë periudhës 2007–2024, njofton agjencia shtetërore Xinhua.
Dënimi me vdekje i Tang është pezulluar për dy vjet, pasi ai ka rrëfyer krimet e tij, sipas gjykatës së Changchun. Tang u përjashtua nga Partia Komuniste e Kinës në nëntor 2024, pas hetimeve të komisionit antikorrupsion.
Tang ka mbajtur pozicione të ndryshme në qeveri, duke përfshirë guvernator të provincës Gansu (2017–2020) para se të bëhej ministër bujqësie dhe çështjesh rurale. Hetimi ndaj tij është pjesë e një valë të gjerë antikorrupsion, që përfshin edhe Ministrin e Mbrojtjes Li Shangfu dhe paraardhësin e tij Wei Fenghe.
Në janar, presidenti kinez Xi Jinping deklaroi se korrupsioni është kërcënimi më i madh për Partinë Komuniste të Kinës, dhe se ai po vazhdon të rritet.
