Ish-deputeti i PD-së, Ervin Salianji, u paraqit sot për herë të fundit në Shërbimin e Provës, masë e cila i ishte vendosur pas lirimit nga burgu. Ky është një hap i fundit në lidhje me çështjen për të cilën ai ishte dënuar. Ish-deputeti deklaroi se beteja e tij me drejtësinë nuk ka përfunduar: “Do e depozitoj çështjen në Gjykatën Kushtetuese për pak ditë. Më pas do ta çoj në Strasburg dhe besoj në fitore”, tha ai.
Salianji u lirua pas më shumë se 9 muajsh qëndrimi në burgun e Fierit, për një dënim prej 1 viti që i ishte dhënë nga Gjykata e Apelit në Tiranë.
Ervin Salianji u lirua nga burgu më 8 korrik 2025, pasi Gjykata e Fierit pranoi kërkesën e tij për liri me kusht, pasi kreu 9 muaj e gjysmë nga dënimi me burg 1 vit shtatorin e kaluar. Shërbimi i provës kishte depozituar raport pozitiv për sjelljen e tij ashtu si edhe më parë Burgu i Fierit.
