Gazetarja Ola Xama ka komentuar shkarkimin e Erion Veliajt nga posti i kryebashkiakut të Tiranës, duke e cilësuar qeverisjen e tij si “model bastard”.
“Ishte një model bastard në mënyrën e qeverisjes, kur më përpara nëse kishim dëgjuar për 10 apo 20 për qind, këtu ishte 100 për qind.
Po të shohim rrugëtimin politik të Erion Veliajt, është një model se si erdhën disa të rinj që kishin kauzën e demokracisë, mirëqenies sociale dhe shtetit të së drejtës. Pushteti që iu dha nga PS dhe Rama, këta ia morën duke e shkarkuar,” tha Xama.
Në MCN Tv, ajo shtoi se pret përgjigje nga SPAK për disa afera që lidhen me mandatin e Veliajt. “Shpresoj që SPAK të na japë përgjigje për shumë afera si Teatri Kombëtar, rindërtimi, njerëzit që u janë prishur shtëpitë. Më domethënëse se burgosja e Veliajt është shkarkimi,” theksoi Xama.
Sipas saj, ky zhvillim duhet të shërbejë si një sinjal për qytetarët. “Qytetarët, kur të votojnë në zgjedhjet e tjera, të mendohen mirë se çfarë lloj politikani të vijë,” u shpreh gazetarja.
