Zëdhënësi i Kremlinit, Dmitry Peskov, ka deklaruar se Presidenti amerikan Donald Trump po përdor politikat e tij për të detyruar Evropën të blejë hidrokarbure amerikane me çmime më të larta.
Në një intervistë për radion RBC, Peskov komentoi thirrjen e Trump për të ndaluar importet e energjisë nga Rusia, duke theksuar se qëllimi i tij është mbrojtja e interesave ekonomike të SHBA-së.
“Gjëja më e thjeshtë është ta detyrosh të gjithë botën të blejë naftë dhe gaz natyror amerikan me çmim më të lartë. Ndoshta amerikanët mund t’i detyrojnë evropianët ta bëjnë këtë,” tha Peskov, duke shtuar se shumë vende evropiane tashmë kanë filluar të blejnë gaz natyror të lëngshëm me çmime më të larta, gjë që ka rritur shpenzimet e buxheteve dhe ka goditur xhepat e taksapaguesve.
