Një tjetër rast i rëndë i keqtrajtimit të kafshëve është regjistruar në Shupenzë të Bulqizës.
Këtë herë viktimë e barbarisë njerëzore është një kalë. Pamjet e shpërndara tregojnë qartë se si kafsha e gjorë është lidhur pas makinës dhe detyrohet të ecë me shpejtësi, për të shmangur zvarritjen në rrugë.
Një qytetar që denoncoi ngjarjen shkruan: “Në Shupenzë të Bulqizës. Ja çfarë bëjnë fshatarët duke torturuar kafshët.”
Raste të tilla po shkaktojnë indinjatë të madhe në opinionin publik. Aktivistë për mbrojtjen e të drejtave të kafshëve kërkojnë që autorët e këtyre veprimeve çnjerëzore të identifikohen dhe të ndëshkohen sipas ligjit.
Ligji shqiptar parashikon masa ndëshkuese për keqtrajtimin e kafshëve, por shpesh herë zbatimi i tij mbetet i vakët.
