Dy persona të cilët nuk iu bindën urdhërit të Policisë për të ndaluar automjetin me të cilin po lëviznin , u arrestan sot në Kukës.
I arrestuari është 43-vjeçari K.SH banues në fshatin Shtiqen, pasi ka kundërshtuar policinë.
Ndërsa është shpallur në kërkim 18-vjeçari D.G i cili nuk pranoi të ndalonte automjetin.
Njoftimi i Policisë:
Oficerët e Policisë Gjyqësore arrestuan në flagrancë shtetasin K. Sh., 43 vjeç, dhe shpallën në kërkim shtetasin D. G., 18 vjeç, të dy banues në fshatin Shtiqen, pasi në vendin e quajtur “Parku i Ri “, Kukës, shtetasi D. G. nuk i është bindur urdhrit të punonjësve të Policisë, për të ndaluar automjetin me të cilin qarkullonte bashkë me shtetasin K. Sh., ndërsa ky i fundit i ka kundërshtur me forcë punonjësit e Policisë.
