Policia e Lushnjës ka arrestuar dy persona për vepra të ndryshme penale.
Në pranga ra 23-vjeçari Denis Veliu, i kapur duke drejtuar makinën në gjendje të dehur dhe me një pistoletë sportive në automjet. Arma u sekuestrua si provë materiale.
Gjithashtu, 35-vjeçari Orestian Shkurti u arrestua për posedim dhe shpërndarje të 12 dozave kokaine, të gatshme për shitje.
“Si rezultat i kontrolleve dhe administrimit të shpejtë të informacioneve të siguruara në rrugë informative, shërbimet e Komisariatit të Policisë Lushnjë, në bashkëpunim me shërbimet e Seksionit për Hetimin e Narkotikëve dhe me shërbimet e Sektorit të Policisë Rrugore, arrestuan në flagrancë shtetasit:
-D. V., 23 vjeç, banues në Lushnjë, pasi gjatë kontrollit në automjetin që drejtonte në gjendje të dehur, u gjet 1 armë spotive pistoletë, e cila u sekuestrua me cilësinë e provës materiale;
-O. Sh., 35 vjeç, banues në fshatin Karbunarë, pasi posedonte 12 doza Kokaine, të gatshme për shitje, të cilat u sekuestruan me cilësinë e provës materiale.”, njofton policia.
