Drejtuesi i Departamentit të Mjedisit në Partinë Demokratike, Jamarbër Malltezi, ka reaguar me tone ironizuese ndaj emërimit të Andis Salla, në postin e Ministrit të Bujqësisë dhe Zhvillimit Rural.
Përmes një videoje të publikuar në Facebook, Malltezi ka ironizuar aftësitë e ministrit të ri, duke e cilësuar si një përfaqësim të dobët të dikasterit të bujqësisë.
Ai ka vënë në dukje mungesën e artikulimit të Sallës dhe ka përmendur si “arritje” faktin që ky i fundit ka pastruar 12 metra kanal kullues pas 20 vitesh neglizhencë.
“Këtë e emëroi Ministër Bujqësie. Shihni çfarë niveli! Ka pastruar 12 metra kanal kullues! Arritje! 20 vjet pa u pastru, ndërkohë që pushtetin lokal atje gjithë jetën e ka pas PS,” shkruan Malltezi në postimin e tij.
