Sali Berisha, gjatë bisedës në emisionin “Opinion”, ka hedhur akuza ndaj drejtuesit të Shkollës së Magjistraturës, Arben Rakipi, i cili ka qenë në krye të grupit të ekspertëve që hartuan draftin e Kodit të ri Penal.
Lideri demokrat tha se Arben Rakipi është prokuror ardhje i Sigurimit të Shtetit, i cili në vitin 1998 e ka akuzuar atë për krime kundër njerëzimit vetëm për një shishe “Pepsi Kola”.
Po ashtu, Sali Berisha hodhi akuza edhe drejt drejtësisë që nuk zbaton ligjin anti-mafia, ku një prej personave që preket nga ky ligj, sipas tij, është edhe Fatmir Xhafaj, i cili e ka ngritur pasurinë mbi drogën e të vëllait.
“Jemi kret të ndryshëm me Edi Ramën në qëndrimet ndaj drejtësisë. Problemi im i vetëm me drejtësinë është se nuk duhet të ketë vend në drejtësi për ata që bashkëpunojnë me krimin. Kurse ai këta favorizon. Kudo që t’i kapësh aty del. A ke dëgjuar t’i të aplikohet më ligji anti-mafia? E ka privatizuar Altin Troplini. Kur unë shoh që kryeministri i firmos pallat 10 katësh gruas së Altin Hajrit, unë e bëj bashkëfajtor Altin Troplinin. Unë kur shoh që nuk veprohet me ligjin anti-mafia ndaj pronave të Elvis Doçit, Fatmir Troplinit, Xhevdet Troplinit. Unë jam për të vënë përpara drejtësisë ata prokurorë që bashkëpunojnë me krimin. A mund të lësh t’i “Accor-in” në ortakëri me Elvis Doçin, kreun e kartelit Troplini?
Pse lihen këto, sepse është Fatmir Xhafaj, sepse është Fatzi Xhafaj që ka të ndërtuar mbi drogën e të vëllait, dhe që në çdo ligj të botës është subjekt i ligjit anti-mafia. E gjithë vëllazëria Xhafaj.
Dhe FatmirXhafaj do të na mbushin tani mendjen se do na bëjë Reformën në Drejtësi. Harroje atë punë. Sollën Kodin, që e hartuan Uluziu dhe Arben Rakipi. A të kujtohet se çfarë është Arben Rakipi?
Arben Rakipi është prokurori ardhje i Sigurimit të Shtetit, i cili nël vitin 1998 akuzoi Sali Berishën me një shishe për krime kundër njerëzimit, 8 muaj përpara se të akuzonte Sllobodan Millosheviçi. Gazetari në konferencë i thotë po ku i ke provat ti? Dhe ai i thotë ja, i tregon një shishe. Gazetari i mençur i thotë po ça shishe, kjo është Pepsi Kola, këtë na sjell për helm ti. Ky Arben Rakipi, i cili është edhe mentori kryesor i Altin Troplinit, i cili bën Kodin që do Edi Rama dhe Fatmir Xhafa. Si mund të bashkëpunosh me këta.” – tha Berisha.
