Një grabitje e armatosur ka ndodhur në orët e vona të mbrëmjes së djeshme në Librazhd, ku është sulmuar një pikë karburanti.
Rreth orës 23:00, dy persona të armatosur kanë sulmuar të armatosur subjektin në vendin e quajtur Semës, në njësinë administrative Qendër, rreth 1 kilometër larg qytetit të Librazhdit. Autorët kanë kërcënuar punonjësit me armë zjarri dhe janë larguar nga vendngjarja duke marrë një shumë te konsiderueshme parash.
Menjëherë pas sinjalizimit, Policia e Librazhdit, në bashkëpunim me Drejtorinë Vendore të Policisë Elbasan, ka ndërmarrë veprime të shpejta dhe profesionale, duke arritur në një kohë rekord të identifikojë dhe kapë autorët e dyshuar të kësaj grabitjeje.
Të dy personat janë arrestuar dhe ndodhen në paraburgim. Ata janë identifikuar si banorë të qytetit të Elbasanit.
Policia vijon hetimet për zbardhjen e plotë të rrethanave të ngjarjes dhe për të verifikuar nëse autorët janë të përfshirë në ngjarje të tjera kriminale.
